關於IN和SB

今日我講一講IN同SB，兩種係AK IN KK既檔案分類用到既編碼。

簡單尼講，IN同SB都係一D錄音，都係係山上錄音既成果，但係點解要分兩個名呢？

由於錄音既地理位置係重點，為正常我去錄音前會決定一個目的地。行上山，停低，錄音，返落山。我盡量唔會一日錄好多個地方，一來留力，二來希望保留更多唔同日子天氣既分野。呢D有目的地既錄音係叫IN，例如2019年1月2日錄既IN0034。

有時都有例外既，行行下去到一個位覺聽到個聲景覺得正呀唔錄唔得，時間又許可的話，我都會停低錄既，果D就會係SB (Stop-By) 順道錄音。可以話SB既欣賞性會高D，例如2019年1月2日SB0001。

暫時上載左既SB只有一個，不過仲有更多陸續有來，一星期一個左右啦！