關於呢個Project，好多人第一次聽既時候會問：「咩係KK?」 成個名AK IN KK AK係我個名，有錄音者之意； IN就真係in，「係果度」既意思； 至於KK係咩呢？ 給果要用一句講曬，我會⋯⋯我會比張圖你睇。 。 。 。 。 。 。 如果有上過山，呢D標距柱你唔會陌生，你大概每行500米會見到一條咁大把啦。 藍框圈住左堆密碼，呢個就係KK既答案：格網座標Grid Reference。 一句講就係：KK係香港大部份地方用到既格網座標既格網代號，即係香港。   詳細（少少）解說：...

關於蟬，我2月20日去港島徑H20標距柱錄音既時候，有一段對話。 好多時行過見到部錄音機，經過既山友都會問係咪拍緊野，果日都唔例外。 有個我諗中年既男士行過尼，👨🏻：拍緊野？ 我🙇‍♂：錄緊音，記錄下咁。（我通常都好細聲。） 👨🏻：呀，遲下呢度無咁好喇，（面向置富山谷方向）過幾年呢度雞籠灣重建華富邨起樓，呢度就無咁靚嚕。置富山谷有好多果D瀕危既蟬，D黃點黑蟬*呀，不過好彩爭取到唔郁置富山谷既範圍，但附近雞籠灣都會起曬樓。 （其他我唔太記得。。。） *我唔太記得佢係講黃點黑蟬（又叫斑點黑蟬）(Gaeana maculata) 定係 慶斑蟬 (Gaeana festiva)   ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 3月12日我行港島徑去H21標距柱，初春來到，沿路每一步都比蟬聲圍住，加上👨🏻講一講，我有一種莫明既喜感。 我唔係生態學家，我微少既生態知識都係做呢個Project先開始學，望住周為飛既蟬，見到辯認到係黃點黑蟬，真係好似由講151隻比卡超到識分151隻既名咁好開心。 同埋做音響成日好鐘意Surround Sound 比聲音包圍既感覺，對我尼講自然既Surround一向都係最真實最美好既。  ...